నారాయణపురం ఆనకట్ట వెలవెల

ప్రాజెక్టు ప్రధాన కట్ట వద్ద కానరాని నీటి ప్రవాహం

సంతకవిటి మండలంలోని నాగావళి నదిపై ఉన్న నారాయణపురం ఆనకట్ట ఇది. విజయనగరం, శ్రీకాకుళం జిల్లాల పరిధిలోని 50 వేల ఎకరాలకు సాగునీరుతో పాటు పలు మండలాల ప్రజల తాగునీటి అవసరాలను తీర్చడంలో ఈ ప్రాజెక్టుది కీలక భూమిక. అటువంటి ప్రాజెక్టు నీరు లేక వెలవెలబోతుండటంతో వేసవిలో తాగు, సాగునీటికి ఇబ్బందులు పడాల్సి వస్తోందని పలు గ్రామాల ప్రజలు ఆందోళన వ్యక్తం చేస్తున్నారు. వర్షాలు పడితే తప్ప నాగావళి నదిలోనికి నీటి ప్రవాహం వచ్చే అవకాశం లేదని జలవనరుల శాఖ ఏఈ జీవీ.రమణ తెలిపారు.

న్యూస్‌టుడే, సంతకవిటి