అలజడి సృష్టించిన భారీ క్రేన్‌

ధ్వంసమైన షెడ్లు 

కొత్తవలస, న్యూస్‌టుడే: కొత్తవలస కూడలికి సమీపంలో ఓ భారీ క్రేన్‌ సోమవారం ఉదయం అలజడి సృష్టించింది. విశాఖపట్నం మార్గంలో వ్యవసాయ మార్కెట్‌ కమిటీ చెక్‌పోస్టుకు ఎదురుగా రహదారికి ఆనుకుని ఉన్న షెడ్లులోకి దూసుకుపోయింది. దీనివల్ల ఒక మెకానికల్‌ షెడ్, మరో రెండు షెడ్లు ధ్వంసమయ్యాయి. ఒక పాత ద్విచక్ర వాహనం దెబ్బతింది. ప్రమాద సమయంలో షెడ్లలో ఎవరూ లేరు. లేదంటే పరిస్థితి ఎలా ఉండేదోనని స్థానికులు కలవర పడ్డారు. రహదారి పక్కన ఆగివున్న ఆటోను తప్పించే సమయంలో క్రేన్‌ అదుపుతప్పి షెడ్లలోకి దూసుకుపోయిందని స్థానికులు చెబుతున్నారు.