పర్యటకానికి పాతర

జలాశయం మెట్టపై నిర్మించిన కాటేజీలు.. ధ్వంసమైన లోపలి  పరిసరాలు

గుండ్లకమ్మ జలాశయం... గతంలో పర్యాటకులకు స్వర్గధామంలా ఉండేది. వారాంతాల్లో వందలాదిగా సందర్శకులు వచ్చేవారు. ఈ నేపథ్యంలోనే తెదేపా ప్రభుత్వ హయాంలో దాదాపు రూ.వంద కోట్ల వ్యయంతో ఈ ప్రాంతాన్ని పర్యటక ప్రాజెక్టుగా తీర్చిదిద్దేందుకు శ్రీకారం చుట్టారు. కట్టల చుట్టూ పార్కులు తీర్చిదిద్దారు. పిల్లలు ఆడుకునేందుకు వీలుగా ఆట పరికరాలు, బోటు షికారు ఏర్పాటు చేశారు. రాత్రి వేళా సందర్శకులు బస చేసేందుకు వీలుగా... సమీపంలో కాటేజీలు, క్యాంటీన్, వ్యూ పాయింట్, ఈత కొలను వంటివి నిర్మించారు. తరువాత వచ్చిన వైకాపా ప్రభుత్వం... వీటిని అందుబాటులోకి తీసుకురాకుండా నిర్లక్ష్యం చేయడంతో కాటేజీలు రూపుకోల్పోయాయి. విద్యుత్తు పరికరాలు దొంగలు ఎత్తుకు పోయారు. తలుపులు, కిటికీలను సైతం ఆకతాయిలు ధ్వంసం చేసి... అసాంఘిక కార్యకలాపాలకు అడ్డాగా మార్చారు. ఈ పరిసరాల్లో పిచ్చిమొక్కలు పెరిగి... మొత్తంగా ప్రాజెక్టే రూపుకోల్పోయింది.

ఈనాడు, ఒంగోలు

ఈతకొలను దుస్థితి