కలల ఇళ్లు.. పశువుల నిలయాలు

ఇళ్లు.. కాలనీలు కాదు ఏకంగా ఊళ్లే నిర్మిస్తున్నామంటూ ముఖ్యమంత్రి జగన్‌ మోహన్‌ రెడ్డి పదే పదే గొప్పలు చెబుతున్నారు. క్షేత్రస్థాయిలో పరిస్థితులు మాత్రం  భిన్నంగా ఉన్నాయి. తాము నిర్మిస్తున్నట్లు ప్రకటిస్తున్న ఊళ్లలో ఇంకా ఇళ్ల నిర్మాణాలే పూర్తికాలేదు. చాలాచోట్ల లబ్ధిదారులు ఇటుకే వేయలేదు. అరకొరగా చేపట్టిన చోట్ల కూడా అసంపూర్తిగానే కనిపిస్తున్నాయి. అందుకు సింగరాయకొండ మండలం సోమరాజుపల్లి గ్రామ లేఅవుట్‌ నిదర్శనం. ఈ లేఅవుట్‌లో ఆ గ్రామానికి చెందిన సుమారు వెయ్యి మంది లబ్ధిదారులకు ఇళ్ల పట్టాలు అందజేశారు. వీరిలో చాలా మంది ఇంటి నిర్మాణాలను కొంతమేర పూర్తి చేసి ఆపేశారు. మరి కొందరు అసలు ప్రారంభించనే లేదు. అడపాదడపా కురిసిన వర్షాలకు ఖాళీ స్థలాల్లో నీళ్లు నిలిచి చిన్నపాటి కుంటలను తలపిస్తున్నాయి. వాటిల్లో పశువులు సేద తీరుతూ ఇలా కనిపించాయి.

ఈనాడు, ఒంగోలు