‘మేమంతా సిద్ధం’ సభకు 80 ఆర్టీసీ బస్సులు

 శ్రీకాకుళం నగరం నుంచి బయలుదేరిన బస్సు

అరసవల్లి న్యూస్‌టుడే: వైకాపా నిర్వహిస్తున్న మేమంతా సిద్ధం సభలకు జిల్లా నుంచి ఆర్టీసీ బస్సులను తరలిస్తున్నారు. శుక్రవారం కాకినాడలో సీఎం జగన్‌మోహన్‌ రెడ్డి నిర్వహించనున్న బహిరంగ సభకు శ్రీకాకుళం ఒకటో డిపో నుంచి 40, రెండో డిపో నుంచి 40 బస్సులను గురువారం రాత్రి పిఠాపురానికి పంపారు. అక్కడ సభ ముగిసిన వెంటనే శనివారం అనకాపల్లిలో జరగనున్న సిద్ధం సభకు సైతం జనాలను తరలించేందుకు అవే బస్సులను వినియోగించనున్నారు. జిల్లాలో మొత్తం 328 బస్సులు ఉండగా.. అందులో 80 బస్సులను వైకాపా సభకు కేటాయించడంతో ప్రయాణికులకు ఇబ్బందులు తలెత్తే అవకాశముంది.