వైకాపా ఎంపీ అభ్యర్థి గృహ నిర్బంధం

నందిగాం, న్యూస్‌టుడే: వైకాపా శ్రీకాకుళం ఎంపీ అభ్యర్థి పేరాడ తిలక్‌ను నందిగాం పోలీసులు సోమవారం ఆయన స్వగ్రామం కణితివూరులో గృహ నిర్బంధం చేశారు. కోటబొమ్మాళి మండలం నిమ్మాడ పంచాయతీ చిన్నవెంకటాపురం గ్రామానికి చెందిన వైకాపా కార్యకర్త తోట మల్లేషు ఇటీవల జరిగిన గొడవల్లో గాయపడి, చికిత్స పొందుతూ మృతి చెందిన విషయం తెలిసిందే. బాధిత కుటుంబాన్ని పరామర్శించేందుకు ఎంపీ అభ్యర్థి బయలుదేరగా పోలీసులు గృహ నిర్బంధం చేశారు. కోటబొమ్మాళి మండలంలో 144 సెక్షన్‌ అమల్లో ఉన్నందున  తిలక్‌ అక్కడకు వెళ్తే గొడవలు జరిగే అవకాశం ఉన్నందున అడ్డుకున్నట్లు ఎస్సై మహమ్మద్‌ అమీర్‌ ఆలీ పేర్కొన్నారు.