ఎన్నాళ్లీ దారుణాలు..

 వైకాపా గత ఐదేళ్ల పాలనలో రహదారుల దుస్థితి ఎలాగుందో చెప్పేందుకు ఈ చిత్రమే నిదర్శనం.. ఎక్కడ చూసినా అధ్వాన దారులే దర్శనమిస్తున్నాయి.. వజ్రపుకొత్తూరు మండలం పూండి నుంచి పీఎంపురం మీదుగా పల్లివూరు వరకు ఉన్న ప్రధాన  ఆర్‌అండ్‌బీ రహదారి ఏళ్ల తరబడి కనీస మరమ్మతులకు నోచుకోలేదు. ఎక్కడికక్కడ రోడ్డు పాడై గుంతలమయంగా మారింది.. ఇటీవల కురిసిన వర్షానికి గుంతల్లో నీరు చేరడంతో రాకపోకలకు ప్రయాణికులు ఇబ్బంది పడుతున్నారు. తిత్లీ తుపాను సమయంలో పాడైనా ఇంత వరకు పట్టించుకోలేదు.. ఈ విషయమై ఆర్‌అండ్‌బీ జేఈ విక్రమ్‌ను వివరణ కోరగా రహదారి అభివృద్ధికి చర్యలు తీసుకుంటామన్నారు.  

న్యూస్‌టుడే, వజ్రపుకొత్తూరు గ్రామీణం