వాయుగుండం ప్రభావం

కవిటి: ఈదురు గాలులకు కారుపై కూలిన వృక్షం  

న్యూస్‌టుడే, కవిటి గ్రామీణం, సారవకోట : బంగాళాఖాతంలో ఏర్పడిన వాయుగుండం ప్రభావం జిల్లాలోని పలు మండలాలపై కనిపించింది.. శనివారం మధ్యాహ్నం నుంచి ఇచ్ఛాపురం, పలాస, టెక్కలి, నరసన్నపేట నియోజకవర్గాల పరిధిలో వాతావరణంలో మార్పులు సంభవించాయి. ఇచ్ఛాపురం, కవిటి, సోంపేట మండలాల్లో ఈదురుగాలులతో కూడిన వర్షం పడింది. ఉరుములు, పిడుగులు భయపించాయి. పలుచోట్ల ఓ మోస్తరు వర్షం కురిసింది.  కవిటిలోని అశోక్‌ థియేటర్‌ సమీపంలోని చెట్టు కారుపై కూలింది. ఈ ప్రమాదంలో కారు ముందు భాగం దెబ్బతింది.