అనుమానాస్పద స్థితిలో వివాహిత మృతి

లావణ్య

చింతకొమ్మదిన్నె, న్యూస్‌టుడే: వైఎస్సార్‌ జిల్లా చింతకొమ్మదిన్నె మండల కేంద్రమైన సీకేదిన్నె గ్రామంలో జిల్లాకు చెందిన బి.లావణ్య (20) అనే వివాహిత మంగళవారం అనుమానాస్పద స్థితిలో మృతి చెందినట్లు పోలీసులు తెలిపారు. కవిటి మండలం ఇద్దివానిపాలేనికి చెందిన లావణ్యకు గాలివీడు మండలం వడిసే లంకపల్లె గ్రామానికి చెందిన గణేష్‌రెడ్డితో నెల రోజుల కిందట వివాహం జరిగింది. దంపతులిద్దరూ సీకేదిన్నె గ్రామంలోని ఓ ఇంట్లో నివాసముంటున్నారు. మంగళవారం ఉదయం లావణ్య ఇంట్లోనే ఫ్యానుకు ఉరేసుకుని మృతి చెందారు. సమాచారం అందుకున్న పోలీసులు ఘటనా స్థలాన్ని పరిశీలించి మృతదేహాన్ని ప్రభుత్వాసుపత్రికి తరలించారు. వరకట్న వేధింపులతో ఆత్మహత్య చేసుకుందా లేక ఇతర కారణాలు ఏమైనా ఉన్నాయా అనే కోణంలో పోలీసులు దర్యాప్తు చేస్తున్నారు.