బంకమట్టి, అట్టపెట్టెలతో రాయల్‌ఎన్‌ఫీల్డ్‌

తయారుచేసిన వాహనంతో శ్రీకమలి

ఆర్కేనగర్, న్యూస్‌టుడే: బంకమట్టి, అట్టపెట్టెలతో ఓ విద్యార్థిని రాయల్‌ఎన్‌ఫీల్డ్‌ వాహనం తయారు చేసింది. శ్రీకమలి అనే విద్యార్థిని తిరుప్పూర్‌ మదలిపాళ్యంలోని నిఫ్ట్‌-టీ అనే నిట్టింగ్, ష్యాషన్‌ డిజైనింగ్‌ కళాశాలలో  కాస్ట్యూమ్‌ డిజైనింగ్, ఫ్యాషన్‌ విభాగంలో మూడో ఏడాది చదువుతోంది. బొగ్గు, కాగితం, కార్డ్‌బోర్డు ఉపయోగించి పలు ఆకృతులు సిద్ధం చేస్తుంటుంది. తాజాగా రాయల్‌ ఎన్‌ఫీల్డ్‌ ద్విచక్ర వాహనం రూపొందించింది. ఇందుకు 157 రోజులు శ్రమించింది. బంకమట్టి, అట్టపెట్టెలు ఉపయోగించి వాహనంలో ఉండే అన్ని భాగాలనూ తయారుచేసింది. నిజమైన ద్విచక్ర వాహనంలానే కనిపించడంతో పలువురు ఆమెను అభినందిస్తున్నారు.