logo

ఇన్‌స్టాగ్రామ్‌ వేదికగా యువతులకు వల

చెన్నై పోరూరుకు చెందిన యువకుడు ఆనంద్‌బాబు ఇన్‌స్ట్రాగ్రామ్‌లో నకిలీ ఖాతా ఏర్పాటు చేసుకుని మంచి శరీర సౌష్టవంతో ఉన్న ఫొటోలు పెట్టి పలువురు యువతులకు వల విసురుతుంటాడు.

Published : 24 May 2024 01:10 IST

నగ్న వీడియోలు రికార్డు చేసి బెదిరింపులు
నకిలీ ఫొటోలతో మోసగిస్తున్న యువకుడి అరెస్టు

అరెస్టయిన ఆనంద్‌బాబు

సైదాపేట, న్యూస్‌టుడే: చెన్నై పోరూరుకు చెందిన యువకుడు ఆనంద్‌బాబు ఇన్‌స్ట్రాగ్రామ్‌లో నకిలీ ఖాతా ఏర్పాటు చేసుకుని మంచి శరీర సౌష్టవంతో ఉన్న ఫొటోలు పెట్టి పలువురు యువతులకు వల విసురుతుంటాడు. కొన్ని రోజుల క్రితం చెన్నై షావుకారుపేటకు చెందిన ఓ యువతితో పరిచయం పెంచుకున్నాడు. ఇన్‌స్టాగ్రామ్‌లో జిమ్‌ బాడీతో ఉన్న అతని ఫొటో నచ్చడంతో ఆ యువతి అతనితో చనువుగా మాట్లాడటం ప్రారంభించింది. ఈ క్రమంలో అతను వీడియో కాల్‌లో అందాలను చూపాలని ఆమెను కోరాడు. కోపగించుకున్న యువతి.. అతన్ని దుర్భాషలాడింది. దీంతో అతను హత్యా బెదిరింపులకు పాల్పడ్డాడు. దీంతో యువతి సెవెన్‌వెల్స్‌ పోలీసులకు ఫిర్యాదు చేసింది. పోలీసులు కేసు నమోదు చేసి సెల్‌ఫోన్‌ నెంబర్‌ ఆధారంగా దర్యాప్తు చేపట్టి ఆనంద్‌బాబుని అరెస్టు చేశారు. అతని దగ్గర స్వాధీనం చేసుకున్న సెల్‌ఫోన్‌లో వంద మందికిపైగా యువతుల అభ్యంతరకర వీడియోలు ఉన్నాయి. ఇన్‌స్టాగ్రామ్‌ ద్వారా మహిళలతో పరిచయం ఏర్పరుచుకుని వారి నగ్న శరీరాన్ని లైవ్‌ వీడియోలో చూస్తున్నట్లు తెలిసింది. 40 మంది యువతులు లైవ్‌ వీడియోలో తమ అందాలను ఎలాంటి సంకోచం లేకుండా ఆనంద్‌బాబుకు చూపినట్లు తెలుస్తోంది. కళాశాల విద్యార్థినులు కూడా ఇతని మాయలో పడినట్లు తెలిసింది. నిందితుడిని కోర్టులో హాజరుపరిచి రిమాండుకు తరలించారు.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని