Cell phones: ఆలయాల్లో సెల్‌ఫోన్‌ నిషేధం.. చర్యలు చేపట్టాలని దేవాదాయశాఖకు ఆదేశాలు

ప్యారిస్‌, న్యూస్‌టుడే: రాష్ట్రంలో అన్ని ఆలయాల్లో సెల్‌ఫోన్‌ ఉపయోగానికి నిషేధం విధించడానికి దేవాదాయశాఖ కమిషనరు చర్యలు చేపట్టాలని మద్రాసు హైకోర్టు మదురై ధర్మాసనం ఉత్తర్వులు ఇచ్చింది. తిరుచ్చెందూర్‌ సుబ్రమణి స్వామి ఆలయంలో సెల్‌ఫోన్‌ ఉపయోగానికి నిషేధం విధించాలని కోరుతూ అర్చకుడు పిటిషన్‌ దాఖలు చేశారు. ఇది శుక్రవారం విచారణకు వచ్చింది. ఈ మేరకు నిషేధం విధించినట్లు అధికారులు చెప్పారు. ఆలయ పవిత్రతను కాపాడేలా అన్ని ఆలయాల్లో ఈ నిబంధన, భక్తులు సంప్రదాయ దుస్తులు ధరించి రావాలనే ఉత్తర్వులను దేవాదాయశాఖ కమిషనరు అమలు చేయాలని ఉత్తర్వులు ఇచ్చారు.