logo

వెయిట్‌ లిఫ్టింగ్‌లో యువకుడి సత్తా

ఇటీవల న్యూజిలాండ్‌లో జరిగిన అంతర్జాతీయ కామన్వెల్త్‌ వెయిట్‌ లిఫ్టింగ్‌ పోటీల్లో జిల్లాలోని గుడియాత్తానికి చెందిన ఓ యువకుడు నాలుగు బంగారు పతకాలు సాధించి సత్తాచాటాడు.

Published : 04 Dec 2022 02:02 IST

జాతీయ పతాకంతో జయమారుతి

వేలూర్‌, న్యూస్‌టుడే: ఇటీవల న్యూజిలాండ్‌లో జరిగిన అంతర్జాతీయ కామన్వెల్త్‌ వెయిట్‌ లిఫ్టింగ్‌ పోటీల్లో జిల్లాలోని గుడియాత్తానికి చెందిన ఓ యువకుడు నాలుగు బంగారు పతకాలు సాధించి సత్తాచాటాడు. గుడియాత్తం తాలూకా సివూరు గ్రామానికి చెందిన జయమారుతి (17) బీఎస్సీ కంప్యూటర్‌ సైన్స్‌ చదువుతున్నాడు. చిన్నతనం నుంచే అనేక క్రీడా పోటీలలో పాల్గొని విజయం సాధించేవాడు. ఈ నేపథ్యంలో ఇటీవల న్యూజిలాండ్‌లోని ఆక్లాండ్‌లో జరిగిన కామన్‌వెల్త్‌ వెయిట్‌ లిఫ్టింగ్‌ పోటీల్లో పాల్గొని విజేతగా నిలిచాడు. పవర్‌ లిఫ్టింగ్‌ ఛాంపియన్‌షిప్‌లో 253, 137.5, 245, 635.5 కేజీల విభాగాలలో పాల్గొని నాలుగు స్వర్ణ పతకాలు సొంతం చేసుకున్నాడు. ఈ సందర్భంగా అతని స్వగ్రామంలో పండుగ వాతావరణం నెలకొంది.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని

ap-districts
ts-districts

సుఖీభవ

చదువు