ఆర్థిక బలం లేకపోతే దేనినీ కాపాడలేం

సద్గురు

ఇషాలో జాతీయ జెండాను ఎగురవేసిన సద్గురు

ప్యారిస్‌, న్యూస్‌టుడే: కోయంబత్తూరులోని ఇషా కేంద్రంలో జరిగిన గణతంత్ర దినోత్సవ వేడుకల్లో సద్గురు జగ్గీవాసుదేవ్‌ జాతీయ జెండాను ఆవిష్కరించారు. ఆయన మాట్లాడుతూ...దేశంలో ఉంటున్న మనం కులం, మతం, జాతి, భాషా, ఆహారపు అలవాట్లు, సంస్కృతి అని పలు విధాలుగా భిన్నంగా ఉన్నామన్నారు. స్వాతంత్య్రానికి ముందు 600 మందికి పైగా సామంతులు పాలించారని, బయటి నుంచి వచ్చిన వారు మనల్ని హిందుస్థాన్‌ లేదా భారతం అని ఒకటే పేరుతో పిలిచారని తెలిపారు. 300 ఏళ్లకు ముందు ప్రపంచ స్థాయిలో బలమైన దేశంగా భారతదేశం ఉందని, ఆ పరిస్థితిని మళ్లీ చేరేలా ప్రస్తుతం చర్యలు చేపట్టారని తెలిపారు. ఆర్థిక బలం లేకపోతే సంస్కృతి, ఆధ్యాత్మికం వంటి వాటిని కాపాడలేమని చెప్పారు. మన మధ్య ఉన్న వ్యత్యాసాలను దాటి ఏది మనల్ని ఐక్యంగా ఉంచే విషయాన్ని బలపరచాలని చెప్పారు.