మేనకోడలికి 300 రకాల సారె అందించిన మేనమామలు

ఊరేగింపుగా సారె తెస్తున్న దృశ్యం

న్యూస్‌టుడే, ఆర్కేనగర్‌: దిండుక్కల్‌ జిల్లా కొడైకెనాల్‌ కేసీ పట్టి గ్రామానికి చెందిన ఐయ్యప్పన్‌ జిల్లా చెక్క వ్యాపారుల సంఘ అధ్యక్షుడు. ఇతని కుమార్తె దీప అక్షుకు పుష్పవతి వేడుక ఘనంగా నిర్వహించారు. ముగ్గురు మేనమామలు ఆమెకు స్థానికులు ఆశ్చర్యపడేలా సారె అందించారు. అరటి, ద్రాక్ష, బియ్యం, పప్పుదినుసులు, మిఠాయిలు, నగలు, వస్త్రాలు తదితర 300 రకాల సారెను తలపై పెట్టుకొని లారీలో మేళతాళాల మధ్య తీసుకొచ్చారు. సారెను చూసి చుట్టుపక్కల కొండప్రాంత గిరిజన ప్రజలు ఆశ్చర్యపోయారు. వేడుకలో పాల్గొన్నవారికి పలు రకాల వంటకాలతో రుచికరమైన విందుభోజనం పెట్టారు.