మీడియా కేంద్రంలో తాజా సమాచారం

వన్‌టౌన్, ఏయూ ప్రాంగణం, న్యూస్‌టుడే: ఏయూ ఇంజినీరింగ్‌ కళాశాల ఆవరణలోని ఓట్ల లెక్కింపు కేంద్రంలో మీడియా సెంటర్‌ను ఏర్పాటు చేసినట్లు కలెక్టర్‌ ఎ.మల్లికార్జున తెలిపారు. కౌంటింగ్‌ ఫలితాల తాజా సమాచారాన్ని ఎప్పటికప్పుడు మీడియాకు చేరవేసేందుకు చర్యలు తీసుకోవాలని జిల్లా సమాచార పౌరసంబంధాల శాఖ అధికారిని ఆదేశించారు. బుధవారం సాయంత్రం జాయింట్‌ పోలీసు కమిషనర్‌ ఫకీరప్ప, జేసీ మయూర్‌ అశోక్, అధికారులతో కలిసి కలెక్టర్‌ స్ట్రాంగ్‌ రూమ్‌ను పరిశీలించి, భద్రతా ఏర్పాట్లపై పలు సూచనలు చేశారు. ప్రతి గదికి వేసిన తాళాలు, సీళ్లను పరిశీలించారు.