చెరువులవెనంలో సందడి

చింతపల్లి, న్యూస్‌టుడే : చింతపల్లిలోని పర్యటక ప్రాంతాల్లో ఆదివారం సందడి నెలకొంది. లంబసింగి, చెరువులవెనం, తాజంగి, ఎర్రవరం జలపాతాల వద్దకు దూరప్రాంతాల నుంచి పర్యటకులు వచ్చారు. ఆ ప్రాంతాలన్నీ రద్దీగా మారాయి.

చాపరాయిలో రద్దీ

డుంబ్రిగుడ, న్యూస్‌టుడే: పర్యటక కేంద్రం చాపరాయి జలవిహారిలో ఆదివారం సందడి నెలకొంది. నెలరోజులపాటు సార్వత్రిక ఎన్నికలు, ఎండ తీవ్రతతో పర్యటక ప్రాంతాలు వెలవెలబోయాయి. ప్రస్తుతం వేసవి సెలవులతోపాటు ఎన్నికలు ముగియడంతో మన్యం అందాలు తిలకించేందుకు పర్యటకులు బారులు తీరుతున్నారు. జలవిహారిలో సందర్శకులు స్నానాలు చేస్తూ, థింసా నృత్యంలో భాగస్వాములవుతూ ఆనందంగా గడుపుతున్నారు.