మానవ అక్రమ రవాణా కేసులో మరో ఇద్దరి అరెస్టు

ఎం.వి.పి.కాలనీ, న్యూస్‌టుడే : విదేశాల్లో ఆకర్షణీయ జీతం ఇప్పిస్తామని చెప్పి కాంబోడియాకు నిరుద్యోగులను తరలిస్తున్న మరో ఇద్దరు ఏజెంట్లను విశాఖ పోలీసులు అరెస్టు చేశారు. ఈ కేసులో ఇప్పటికే ముగ్గురిని అరెస్టు చేసిన విషయం విదితమే. విదేశాంగ శాఖ చొరవతో ఇప్పటి వరకు 25 మందిని కాంబోడియా నుంచి విశాఖకు తీసుకువచ్చారు. ఈ కేసులో మరింత దర్యాప్తు చేపట్టగా, గాజువాకకు చెందిన ఏజెంట్ కె.వీరేంద్రనాథ్‌(37), 2023 నుంచి 17 మందిని కాంబోడియా పంపించినట్లు గుర్తించారు. వీరేంద్రనాథ్‌ ఒక్కొక్కరి నుంచి రూ.1.20 లక్షల చొప్పున వసూలు చేసి, తన కమీషన్‌ కింద రూ.30వేలు ఉంచుకుని నిరుద్యోగులను కాంబోడియా పంపించేవాడు. వీరేంద్రనాథ్‌తో పాటు మరో ఏజెంట్ కె.ప్రవీణ్‌కుమార్‌ను విశాఖ పోలీసులు అరెస్టు చేశారు.