భవిత కేంద్రాలతో దివ్యాంగ చిన్నారులకు భరోసా

మరుపాకలో బాలికతో మాట్లాడుతున్న శకుంతల

రావికమతం, న్యూస్‌టుడే: దివ్యాంగ చిన్నారులకు భవిత కేంద్రాలు భరోసా ఇస్తున్నాయని జిల్లా సహిత విద్య సమన్వయకర్త శకుంతల పేర్కొన్నారు. మరుపాకలో దివ్యాంగ చిన్నారుల గుర్తింపు సర్వేను శుక్రవారం పర్యవేక్షించారు. సహిత విద్య ద్వారా అందిస్తున్న సేవలు, సదుపాయాలు, సౌకర్యాల కల్పనపై తల్లిదండ్రులకు అవగాహన కల్పించారు. జూన్‌ 9 వరకు సర్వే కొనసాగుతుందన్నారు. ఇప్పటివరకు 327 మంది దివ్యాంగ చిన్నారులను గుర్తించామన్నారు. ఎంఈవోలు తలుపులు, బ్రహ్మానందం, ఉపాధ్యాయులు మహాలక్ష్మినాయుడు, జగన్నాథనాయుడు, సరోజని పాల్గొన్నారు.