కాంబోడియా నుంచి మరో 25 మంది వచ్చే అవకాశం

ఎం.వి.పి.కాలనీ, న్యూస్‌టుడే : ఏజెంట్ల చేతిలో మోసపోయి కాంబోడియాలో ఇబ్బందులు పడుతున్న మరో 25 మందిని భారతదేశానికి తీసుకువచ్చేందుకు చేస్తున్న ప్రయత్నాలు తుది దశకు చేరుకున్నాయి. ఇప్పటికే 25 మంది బాధితులను ఆ దేశం నుంచి మన దేశానికి తీసుకువచ్చిన విషయం తెలిసిందే. అలానే మరో 25 మందిని తీసుకువచ్చేందుకు ఆ దేశంలోని భారత రాయబార కార్యాలయ అధికారులతో నగర పోలీసు కమిషనర్‌ రవిశంకర్‌ నిత్యం సంప్రదింపులు జరుపుతున్నారు. త్వరలో వీరు భారతదేశం వచ్చే అవకాశం ఉంది. అలాగే ఈ అక్రమ రవాణా తరలింపు ప్రధాన ముఠాను పట్టుకునేందుకు ప్రత్యేక బృందాలను ఏర్పాటు చేశారు.  ఈ తరహాలో ఏజెంట్ల చేతిలో మోసపోయిన బాధితులు ఉంటే వెంటనే సైబర్‌ క్రైమ్‌ సి.ఐ. భవానీ ప్రసాద్‌ (9490617917), పోలీసు కంట్రోల్‌రూమ్‌ (0891-2565454), నగర పోలీసు కమిషనర్‌ వాట్సాప్‌ నెంబరు(9493336633)లో సంప్రదించాలని నగర పోలీసులు కోరుతున్నారు.