ఏయూలో విద్యార్థి సంఘాల...వాగ్వాదం

డాక్యుమెంటరీని తిలకిస్తున్న విద్యార్థులు

ఏయూ ప్రాంగణం, న్యూస్‌టుడే : ప్రధానమంత్రి నరేంద్ర మోదీపై ఇటీవల ఓ ఆంగ్ల ఛానల్‌ రూపొందించిన డాక్యుమెంటరీని ఆంధ్ర విశ్వవిద్యాలయం శాతవాహన వసతి గృహం వద్ద శుక్రవారం రాత్రి ఎస్‌.ఎఫ్‌.ఐ. ఆధ్వర్యంలో భారీ ఎల్‌ఈడీ తెరలపై ప్రదర్శించడం వివాదాస్పదమైంది. విషయం తెలుసుకున్న ఏబీవీపీ విద్యార్థులు వచ్చి డాక్యుమెంటరీ ప్రదర్శన నిలిపివేసేందుకు ప్రయత్నించారు. దీంతో రెండు విద్యార్థి సంఘాల మధ్య వాగ్వాదం చోటుచేసుకుంది. మూడో పట్టణ పోలీసులు రంగ ప్రవేశం చేసి ఘర్షణ సద్దుమణిగేలా చేశారు. విషయం తెలుసుకున్న చీఫ్‌ వార్డెన్‌ వీర్రాజు చేరుకొని విద్యార్థులను వారి వారి వసతి గృహాలకు పంపించారు. ఏయూలో కట్టుదిట్టమైన సెక్యూరిటీ ఉన్నా.. ఈ డాక్యుమెంటరీని ఏ విధంగా ప్రదర్శించారన్న ప్రశ్నలు ఉత్పన్నమవుతున్నాయి.