అప్పన్న స్వామి హుండీ ఆదాయం రూ. 2.06 కోట్లు

ఆలయ బేడా మండపంలో హుండీ ఆదాయం లెక్కిస్తున్న సిబ్బంది

సింహాచలం, న్యూస్‌టుడే: శ్రీవరాహలక్ష్మీ నృసింహ స్వామివారి ఆలయ హుండీల ఆదాయం లెక్కింపు కార్యక్రమం మంగళవారం సింహగిరిపై జరిగింది. ఈవో వి.త్రినాథరావు ఆధ్వర్యంలో అధికారులు, సిబ్బంది హుండీలను తెరిచి ఆదాయం లెక్కింపు చేపట్టారు. భక్తులు కానుకల రూపంలో సమర్పించిన నగదు రూ.2,06,11,210 సమకూరినట్లు ఈవో పేర్కొన్నారు. 100.600 గ్రాముల బంగారం, 12.495 కిలోల వెండి లభ్యమైనట్లు వివరించారు. ఈ మొత్తం ఆదాయం 40 రోజులదిగా తెలియజేశారు. హుండీ ఆదాయం లెక్కింపు బుధవారం రెండో రోజూ కూడా కొనసాగనుంది.