Vizag: 15 నుంచి భారత్‌-ఆస్ట్రేలియా టీ-20 టికెట్ల విక్రయాలు

విశాఖ క్రీడలు, న్యూస్‌టుడే: విశాఖ ఏసీఏ-వీడీసీఏ అంతర్జాతీయ స్టేడియంలో ఈనెల 23న జరగనున్న భారత్‌-ఆస్ట్రేలియా టీ-20 మ్యాచ్‌ టికెట్ల విక్రయాలు ఈనెల 15 నుంచి ప్రారంభమవుతాయని ఏసీఏ కార్యదర్శి ఎస్‌.ఆర్‌.గోపీనాథరెడ్డి తెలిపారు. 15, 16 తేదీల్లో ఆన్‌లైన్‌లో ఉదయం 11 గంటల నుంచి పేటీఎం (insider.in) లింక్‌ ద్వారా విక్రయాలు జరుగుతాయన్నారు. 17, 18 తేదీల్లో ఉదయం 10 గంటల నుంచి ఆఫ్‌లైన్‌లో ఏసీఏ-వీడీసీఏ స్టేడియం, పాతనగరంలోని ఇందిరాప్రియదర్శిని మున్సిపల్‌ స్టేడియం, గాజువాకలోని రాజీవ్‌గాంధీ ఇండోర్‌ స్టేడియంలలో లభిస్తాయన్నారు. రూ.600, రూ.1500, రూ.2,000, రూ.3,000, రూ.3,500, రూ.6,000 ధరల్లో టికెట్లు అందుబాటులో ఉంటాయని పేర్కొన్నారు.