లోతట్టు ప్రాంతాలు జలమయం

కోతకు గురైన తీరం..

మధురవాడ, కొమ్మాది, న్యూస్‌టుడే: తీరం దాటిన తుపాను ప్రభావంతో జిల్లాలో భారీ వర్షాలు నమోదయ్యాయి. పలు కాలనీల్లో లోతట్టు ప్రాంతాలు ముంపునకు గురయ్యాయి. మధురవాడ పరిసర ప్రాంతాల్లో మంగళవారం సాయంత్రం ఎడతెరిపి లేని వర్షం కురిసింది. మధురవాడ మార్కెట్ పరిసర ప్రాంతాలతో పాటు స్వతంత్రనగర్‌కు వెళ్లే ప్రధాన రహదారి జలమయమైంది. మధురవాడ పైవంతెన, చంద్రంపాలెం, కారుషెడ్డు కూడళ్లలోని సేవామార్గాల్లో వర్షపు నీరు ప్రవహించింది. సమీపంలో ఉన్న మురుగునీటి కాలువలు వ్యర్థాలతో నిండి పోవడంతో వర్షపు నీరు రోడ్లపై నిలిచిపోయింది. ఈ కారణంగా ఆయా ప్రాంతాల్లోని ప్రజలు రాకపోకలకు తీవ్ర ఇబ్బందులు పడ్డారు. శివాజీపాలెంలో ఓ అపార్ట్‌మెంట్‌  ప్రహరీ కూలిపోయింది. కేఆర్‌ఎం కాలనీలో గెడ్డ పొంగి వీధుల్లో నీరు ప్రవహించడంతో స్థానికులు ఆందోళనకు గురయ్యారు.

గాజువాక కణితి మార్కెట్‌లో...

శివాజీపాలెంలో కూలిన  ఓ అపార్టుమెంట్‌ ప్రహరీ