రెండు కిలోల బంగారు చీరతో అలంకరణ

అమ్మవారికి చీరను సమర్పిస్తున్న జగద్గురు సిద్ధేశ్వరానందన భారతీ స్వామి

అక్కయ్యపాలెం, న్యూస్‌టుడే: లలితానగర్‌ కుర్తాళ సిద్ధేశ్వర లలితా పీఠంలో అమృతోత్సవాలను వైభవంగా నిర్వహిస్తున్నారు. లలితా పీఠం 75వ వార్షికోత్సవం సందర్భంగా గురువారం లలితా కామేశ్వరుల కల్యాణం వైభవంగా నిర్వహించారు. ఈ సందర్భంగా అమ్మవారిని 2 కిలోల బంగారంతో తయారు చేసిన చీరతో అలంకరించారు. కుర్తాళం పీఠాధిపతి జగద్గురు సిద్ధేశ్వరానంద భారతీ స్వామి అమ్మవారికి బంగారు చీరను వేశారు. లలితా కామేశ్వర విగ్రహాలను పట్టు వస్త్రాలు, ఆభరణాలు,  వివిధ రకాల పుష్పాలతో ప్రత్యేకంగా అలంకరించారు. కార్యక్రమంలో కుర్తాళం పురోహితులు రమేష్‌ శర్మ, శక్తి పీఠాధీశ్వరి మాతా రమ్యానంద భారతి, పీఠం మేనేజర్‌ మన్నవ కృష్ణసేన్‌ పాల్గొన్నారు.