ఉత్సాహంగా వీడ్కోలు వేడుక

బాలికల జానపద నృత్యం

మాకవరపాలెం, న్యూస్‌టుడే: భీమబోయినపాలెం కేజీబీవీ పాఠశాల ప్రత్యేకాధికారిణి గాయత్రి ఆధ్వర్యంలో గురువారం పది విద్యార్థుల వీడ్కోలు కార్యక్రమం ఘనంగా నిర్వహించారు. అతిథిగా హాజరైన ఎంపీపీ సత్యనారాయణ కÛస్తూర్బాగాంధీ చిత్రపటం వద్ద జ్యోతిని వెలిగించి కార్యక్రమాన్ని ప్రారంభించారు. ఎంఈఓ మూర్తి మాట్లాడుతూ బాల్య వివాహాలు ఎక్కడ జరుగుతున్నా భయపడకుండా పోలీసులకు సమాచారం ఇవ్వాలని విద్యార్థులకు సూచించారు. అనంతరం సాంస్కృతిక కార్యక్రమంలో బాలికలు చేసిన జానపద, సినిమా పాటల డ్యాన్సులకు విద్యార్థులు చప్పట్లు కొడుతూ, కేరింతలతో సరదాగా గడిపారు. పాఠశాల ఛైర్మన్‌ నారాయణమూర్తి, నాయకులు భద్రాచలం, బుచ్చిబాబు, వెంకటరమణ తదితరులు పాల్గొన్నారు.