సబ్బవరంలో మినీ జాబ్‌మేళా 26న

నెహ్రూచౌక్‌ (అనకాపల్లి), న్యూస్‌టుడే: ఆంధ్రప్రదేశ్‌ రాష్ట్ర నైపుణ్యాభివృద్ధి సంస్థ ఆధ్వర్యంలో ఉద్యోగ కల్పనలో భాగంగా సబ్బవరం ప్రభుత్వ డిగ్రీ కళాశాలలో ఈ నెల 26న ఉదయం 9 గంటలకు మినీ జాబ్‌మేళా నిర్వహిస్తున్నట్లు జిల్లా నైపుణ్యాభివృద్ధి అధికారి టి.చాముండేశ్వరరావు శుక్రవారం ఓ ప్రకటనలో తెలిపారు. నక్కపల్లిలోని  హెటిరో కంపెనీల ప్రతినిధులు అభ్యర్థులకు ఇంటర్వ్యూలు నిర్వహిస్తారన్నారు. ఈ ఇంటర్వ్యూలకు బీఎస్సీ, ఎంఎస్సీలో కెమిస్ట్రీ డిప్లమా (మెకానిక్‌) చదువుకుని 18 నుంచి 27 సంవత్సరాల లోపు వయస్సు ఉన్న యువతీ, యువకులు హాజరుకావాలన్నారు. మరిన్ని వివరాలకు 81063 27482 నంబర్‌లో సంప్రదించాలన్నారు.