రూ. 80 లక్షలతో.. పిల్లల వార్డు నవీకరణ

వన్‌టౌన్‌, న్యూస్‌టుడే: కేజీహెచ్‌లోని పిల్లల వార్డును రూ.80లక్షలతో నవీకరిస్తున్నారు. 40 పడకలతో కూడిన పీడియాట్రిక్‌ ఇంటెన్సివ్‌ కేర్‌ యూనిట్‌ (పీఐసీయూ)లో అభివృద్ధి పనులు చురుగ్గా సాగుతున్నాయి. ఏడాది వయసు నుంచి ఏడేళ్ల వయసు ఉన్న చిన్నారులకు ఇక్కడ వైద్య సేవలు అందించనున్నారు. వెంటిలేటర్లు, ఇంకుబేటర్లు, ఇతర అత్యాధునిక వైద్య పరికరాలను సైతం ఏర్పాటు చేస్తున్నారు. కలెక్టర్‌ సీఎస్‌ఆర్‌ నిధి నుంచి రూ.40లక్షలు విడుదల చేయగా, ఆంధ్ర వైద్య కళాశాల, కేజీహెచ్‌ చెరో రూ.20లక్షల చొప్పున రూ.40 లక్షలు సమకూర్చాయని ఆసుపత్రి పర్యవేక్షక వైద్యాధికారి డాక్టర్‌ అశోక్‌కుమార్‌ తెలిపారు. ఈనెల 27వ తేదీ నుంచి నవీకరించిన ఐపీసీయూ సేవలు అందుబాటులోకి వస్తాయని వెల్లడించారు.