మండుటెండలో చిన్నారులతో ఎన్నికల ప్రచారం

దక్షిణ వైకాపా అభ్యర్థి వాసుపల్లి తీరుపై తీవ్ర విమర్శలు

చిన్నారుల చేత పూలు చల్లించుకుంటున్న వాసుపల్లి గణేష్‌కుమార్‌

జగదాంబకూడలి, న్యూస్‌టుడే: విశాఖ దక్షిణ నియోజకవర్గ వైకాపా అభ్యర్థి వాసుపల్లి గణేష్‌కుమార్‌ మండుటెండలో చిన్నారులతో ఎన్నికల ప్రచారం చేయించడం తీవ్ర విమర్శలకు తావిచ్చింది. మంగళవారం పాతనగరం 39వ వార్డులో ఆయన ఎన్నికల ప్రచారం ప్రారంభించారు. స్థానికుల నుంచి స్పందన లేకపోవడంతో వైకాపా కార్యకర్తల్లో ఒకరు 9 మంది చిన్నారులను తీసుకొచ్చి వాసుపల్లిపై పూలు చల్లించారు. వారితో జేజేలు కొట్టించారు. అటుగా వెళ్తున్న పాదచారులు, వాహనచోదకులు ఈ దృశ్యాన్ని చూసి తీవ్ర అసహనం వ్యక్తం చేశారు. రాజకీయాలకు ఒక హద్దు ఉంటుందని, చిన్నారుల చేత కూడా ప్రచారం చేయించుకోవడం దిగజారుడు తనానికి నిదర్శనమని మండిపడ్డారు. ఎన్నికల అధికారులు తక్షణమే స్పందించి వాసుపల్లిపై చర్యలు తీసుకోవాలని డిమాండ్‌ చేశారు.