గల్లంతైన ఆరుగురు మత్స్యకారుల ఆచూకీ లభ్యం

విశాఖపట్నం: సముద్రంలో వేటకు వెళ్లి గల్లంతైన మత్స్యకారుల ఆచూకీ లభ్యమైంది. విశాఖ జిల్లా శివారు అప్పికొండ ప్రాంతంలో వారు ఉన్నట్లు బుధవారం తెల్లవారుజామున అధికారులు గుర్తించారు. ఆరుగురు మత్స్యకారులూ క్షేమంగా ఒడ్డుకు చేరుకున్నారు. అలల ఉద్ధృతికి వారు ప్రయాణిస్తున్న బోటు బోల్తా పడి దెబ్బంది. దీంతో దాని పైభాగంలో ఉంటూ బిక్కుబిక్కుమని రాత్రంతా గడిపారు. మత్స్యకారులు క్షేమంగా ఉండటంతో బాధిత కుటుంబాలు ఊపిరి పీల్చుకున్నాయి.

మరోవైపు ఎమ్మెల్యే, వైకాపా అభ్యర్థి వాసుపల్లి గణేశ్‌కుమార్‌పై మత్స్యకారులు ఆగ్రహం వ్యక్తం చేశారు. గల్లంతైనట్లు సమాచారం ఇచ్చినా సకాలంలో ఎందుకు స్పందించలేదని నిలదీశారు. ఫిషింగ్‌ హార్బర్‌ వద్దకు వచ్చిన ఎమ్మెల్యేపై మండిపడ్డారు.