వారు ఒక్కసారీ గెలవలేదు..!

మీకు తెలుసా..

ఈనాడు, వరంగల్‌: చట్టసభలకు ఎన్నికలు జరిగే క్రమంలో గుర్తింపు పొందిన రాజకీయ పార్టీల అభ్యర్థులతో పాటు అనేక మంది స్వతంత్రులు బరిలో నిలుస్తుంటారు. ఉమ్మడి వరంగల్‌లో ఇప్పుడున్న వరంగల్‌ (ఎస్సీ), మహబూబాబాద్‌ (ఎస్టీ)తోపాటు గతంలో ఉన్న హనుమకొండ లోక్‌సభ నియోజకవర్గం చరిత్రలో ఇప్పటి వరకు ఒక్కసారి కూడా స్వతంత్రులు విజయం సాధించలేదు. 2019లో వరంగల్‌ నుంచి 15 మంది, మహబూబాబాద్‌ నుంచి 14 మంది  బరిలో నిలవగా వారిలో ఆరుగురు చొప్పున స్వతంత్రులు ఉన్నారు. ఈసారి ఎన్నికల్లో ఇప్పటికే పలువురు నామపత్రాలు దాఖలు చేశారు. ఫలితాలు ఎలా ఉంటాయో జూన్‌ 4 రోజున స్పష్టమవుతుంది.