ఈఏపీ సెట్లో తొమ్మిదో ర్యాంకు

మణితేజకు మిఠాయి తినిపిస్తున్న తల్లిదండ్రులు వేణుగోపాల్, లలిత  

స్టేషన్‌ఘన్‌పూర్, న్యూస్‌టుడే : తెలంగాణ ఈఏపీ సెట్ ఫలితాల్లో ఇంజినీరింగ్‌ విభాగంలో జనగామ జిల్లా స్టేషన్‌ఘన్‌పూర్‌ మండలంలోని శివునిపల్లికి చెందిన కొంతం వేణుగోపాల్‌-లలిత దంపతుల కుమారుడు కొంతం మణితేజ 141 మార్కులతో తొమ్మిదో ర్యాంకు సాధించాడు. హైదరాబాద్‌లోని ఓ ప్రైవేట్ కళాశాలలో ఎంపీసీ పూర్తి చేశాడు. మణితేజ కుటుంబం ఏడేళ్ల క్రితం హైదరాబాద్‌కు వెళ్లి.. అమీర్‌పేటలో నివాసం ఉంటున్నారు. తండ్రి వేణుగోపాల్‌ ప్రైవేటు ఉద్యోగం చేస్తుండగా.. తల్లి లలిత కుట్టు మిషన్‌ కుడుతోంది. అంతకుమందు శివునిపల్లిలోనే వ్యవసాయం చేసుకుంటూ జీవనం సాగించేవారు. పిల్లల భవిష్యత్‌ దృష్టిలో ఉంచుకొని హైదరాబాద్‌కు వెళ్లినట్లు తండ్రి వేణుగోపాల్‌ వివరించారు.