భారాస ఎమ్మెల్యేలు కాంగ్రెస్‌లో చేరబోతున్నారు..!

మాట్లాడుతున్న కేంద్రమంత్రి కిషన్‌రెడ్డి 

సుబేదారి, న్యూస్‌టుడే: భారాస, కాంగ్రెస్‌ డీఎన్‌ఏలు ఒక్కటేనని భాజపా రాష్ట్ర అధ్యక్షుడు కేంద్ర మంత్రి జి.కిషన్‌రెడ్డి ఆరోపించారు. అసెంబ్లీ ఎన్నికల్లో భారాస నుంచి గెలిచిన ఎమ్మెల్యేలు కాంగ్రెస్‌లోకి వెళ్లేందుకు సిద్ధమవుతున్నారని.. 20 రోజుల్లో 25 మంది చేరుతారని వార్తలు వస్తున్నాయని అన్నారు. ప్రజల తరఫున పోరాటం చేయాలని ప్రజలు ఓటు వేసి గెలిపిస్తే ప్రజాభిష్టానికి వ్యతిరేకంగా మారుతున్నారని పేర్కొన్నారు.   ఎమ్మెల్సీ ఎన్నికల ప్రచారంలో భాగంగా శనివారం హనుమకొండకు వచ్చారు. కేజీటూపీజీ యాజమాన్యాల ఆత్మీయ సమ్మేళనంతో పాటు ముఖ్యకార్యకర్తల సమావేశంలో వేర్వేరుగా పాల్గొన్నారు.   నల్గొండ, ఖమ్మం, వరంగల్‌ పట్టభద్రుల నియోజకవర్గం అభ్యర్థిగా భాజపా బలపర్చిన గుజ్జుల ప్రేమేందర్‌రెడ్డిని భారీ మెజారిటీతో గెలిపించాలని పిలుపునిచ్చారు.