దూర విద్య పీజీ పరీక్షల షెడ్యూల్‌ ఖరారు

కేయూ క్యాంపస్‌, న్యూస్‌టుడే: కాకతీయ విశ్వవిద్యాలయంలోని దూర విద్యా కేంద్రం నిర్వహిస్తున్న పీజీ పరీక్షల షెడ్యూల్‌ ఎట్టకేలకు ఖరారైంది. పరీక్షల నిర్వహణలో ఆలస్యంపై ‘ఈనాడు’లో ఈనెల 25న ‘పరీక్షల ఊసేలేదు’ అనే శిర్షీన కథనం ప్రచురితమైంది. ఈ కథనానికి అధికారులు స్పందించారు. బుధవారం సాయంత్రం షెడ్యూల్‌ను విడుదల చేశారు. ఎంఏ, ఎంకాం, ఎమ్మెస్సీ గణితం, హెచ్‌ఆర్‌ఎం, ఎల్‌ఎల్‌ఎం ప్రథమ, ద్వితీయ సంవత్సరాల పరీక్షలు వచ్చే నెల 12వ తేదీ నుంచి ప్రారంభమవుతాయని కేయూ పరీక్షల నియంత్రణ అధికారి మల్లారెడ్డి, అదనపు అధికారి నరేందర్‌ తెలిపారు.