చీటీ అందలేదా.. ఫర్వాలేదు!!

ఓటర్లకు ఓటరు స్లిప్పులు అందకపోవచ్చు. అలాంటి వారు ఇబ్బందులు పడి పోలింగ్‌కు దూరంగా ఉండడం సబబు కాదు. అరచేతిలోనే సాంకేతిక విప్లవం అందుబాటులో ఉన్న ప్రస్తుత తరుణంలో ఓటు వివరాలు తెలుసుకోవడం చాలా సులభం.

ఎస్‌ఎంఎస్‌ ద్వారా...: ఓటరు గుర్తింపు కార్డు నెంబరును 1950 లేదా 9211728082 నెంబర్లకు పంపిస్తే మీ పోలింగ్‌ కేంద్రం వివరాలు సంక్షిప్త సమాచారం (ఎస్‌ఎంఎస్‌) ద్వారా లభిస్తుంది. 

టోల్‌ ఫ్రీ నెంబరు... : ఇరవైనాలుగు గంటపాటు పనిచేసే టోల్‌ఫ్రీ నెంబరు 1950కు ఫోన్‌ చేసి ఓటరు గుర్తింపు కార్డు నెంబరు సాయంతో పోలింగ్‌ కేంద్రం, బూత్‌ నెంబరు, క్రమ సంఖ్య వంటి వివరాలు తెలుసుకోవచ్చు. 

యాప్‌.... : ఓటరు హెల్ప్‌లైన్‌ యాప్‌ డౌన్‌లోడ్‌ చేసుకుని వివరాలు పొందవచ్చు.

అంతర్జాలం.. : ఎన్నికల కేంద్రం వెబ్‌ సైట్‌ డబ్ల్యూడబ్ల్యూడబ్ల్యూ.సీఈవో తెలంగాణ.ఎన్‌ఐసీ.ఇన్‌ ద్వారా పోలింగ్‌ కేంద్రాల చిరునామాలు, వాటి ఫొటోలు గూగుల్‌ మ్యాప్‌ వివరాలు చూసుకోవచ్చు.

న్యూస్‌టుడే, గోపాలపూర్‌