ఎంతో చెప్పి.. చివరకు చేతులెతే

పాలకొల్లులోని ఏరియా ఆసుపత్రిలో అసంపూర్తిగా ఉన్న వంద పడకల  భవనం ఇది. రూ.1264 లక్షల నాబార్డు నిధులతో చేపట్టిన నిర్మాణాలు అసంపూర్తిగానే ఉన్నాయి.  15-03-24న హడావుడిగా ప్రారంభించేందుకు సన్నాహాలు చేసినా ప్రొటోకాల్‌ కారణంగా ఆగిపోయింది.

ఈనాడు, ఏలూరుసి..: ఉమ్మడి పశ్చిమ గోదావరి జిల్లాలో ప్రజలకు అత్యాధునిక వైద్యసేవలు అందించే లక్ష్యంతో పలుచోట్ల ఆసుపత్రుల నిర్మాణాలు చేపట్టారు. వైకాపా ప్రభుత్వం అయిదేళ్ల కాలంలో వీటిని పూర్తిచేయలేదు. ప్రాథమిక ఆసుపత్రులు మొదలుకొని ప్రాంతీయ ఆసుపత్రుల వరకూ సౌకర్యాలు అంతంతమాత్రంగానే ఉన్నాయి. ఫలితంగా అత్యవసర సమయాల్లో వైద్యం కోసం రోగులను జిల్లా ఆసుపత్రులకు రిఫర్‌ చేస్తున్నారు. పాలకొల్లు, తాడేపల్లిగూడెం, చింతలపూడిలలో కనిపించిన చిత్రాలే ఇందుకు తార్కాణం.