సోమేశ్వరునికి పంచామృతాభిషేకాలు

భీమవరం ఆధ్యాత్మికం, న్యూస్‌టుడే: వైశాఖమాస ద్వాదశి సందర్భంగా పంచారామక్షేత్రం గునుపూడి సోమేశ్వర జనార్దన స్వామి ఆలయంలో సోమవారం ఉదయం పంచామృతాలతో అభిషేకాలు చేశారు. సాయంత్రం స్వామికి బిల్వార్చన, అమ్మవార్లకు కుంకుమార్చనలను ప్రధానార్చకుడు సోంబాబు ఆధ్వర్యంలో పండితులు నిర్వహించారు.

వేంకన్నకు మల్లెల అర్చన

కాళ్ల, న్యూస్‌టుడే: కాళ్లకూరు వేంకటేశ్వరస్వామి ఆలయంలో తిరు కల్యాణ మహోత్సవాలు వైభవంగా కొనసాగుతున్నాయి. సోమవారం ఉదయం స్వామివారికి మల్లెలతో అర్చన, సహస్ర నామ పూజలు చేశారు. సాయంత్రం స్వామివారి ఉత్సవమూర్తులను శేష వాహనంపై కొలువుదీర్చి గ్రామోత్సవం నిర్వహించారు. రాత్రి ఆలయ కళా వేదికపై అభినయ నాట్య అకాడమీ (కూచిపూడి) విద్యార్థినుల నృత్య ప్రదర్శన విశేషంగా ఆకట్టుకుంది.