త్వరలో విర్డ్‌లో ఆరోగ్యశ్రీ సేవల విస్తరణ

రోగులకు కృత్రిమ అవయవాలు  అందజేస్తున్న ఎంఎం గుప్తా  

ద్వారకాతిరుమల, న్యూస్‌టుడే: ద్వారకాతిరుమల విర్డ్‌ ఆసుపత్రిలో త్వరలో జనరల్‌ సర్జరీ, ఈఎన్టీలో ఆరోగ్యశ్రీ సేవలు అందుబాటులోకి తీసుకొస్తామని ఆసుపత్రి ట్రస్టు ఛైర్మన్‌ ఎసీˆ్వ సుధాకరరావు తెలిపారు. ఆసుపత్రిలో ట్రస్టు కార్యవర్గ సభ్యుల సమావేశం గురువారం నిర్వహించారు. ఈ సందర్భంగా 23 మంది దివ్యాంగులకు కాలిపర్స్, ప్రమాదవశాత్తు కాళ్లు పోగొట్టుకున్న వారికి అత్యాధునిక కృత్రిమ అవయవాలను ఛైర్మన్, వైస్‌ ఛైర్మన్‌ వి.ఆనందరాజు, ట్రస్టు సభ్యులు ఐవీఆర్‌ సుధాకరరావు, వి.నారాయణమూర్తి, ఎం.ఎం.గుప్త, సీˆహెచ్‌ రాజమోహన్, కేఎస్‌ఎస్‌ వంశీ, స్థానిక దేవస్థానం ఈవో వేండ్ర త్రినాథరావు అందజేశారు. గుప్తా ఫౌండేషన్‌ సహకారంతో కాలిపర్స్, కృత్రిమ అవయవాలను అందజేసినట్లు ట్రస్ట్‌ ఛైర్మన్‌ తెలిపారు. కార్యక్రమంలో ఆసుపత్రి వైద్యులు భవ్యచంద్, హమీద్, బాలాజీ, విహారి, నాగేంద్రబాబు, సింధు, గాయత్రి, ఏవో ఉదయశ్రీ తదితరులు పాల్గొన్నారు.