బోరు వేశారు... పైపులు మరిచారు

చెరువుకిందపల్లెలో తాగునీటి సమస్య

పెద్దమండ్యం, న్యూస్‌టుడే: మండలంలో తాగునీటి సమస్య అధికంగా ఉంది. బోర్లులో నీటి మట్టం తగ్గడంతో సమస్య ఎక్కువగా ఉంది. కొన్ని గ్రామాల్లో వచ్చే అరకొర నీటితోనే ప్రజలు సరిపెట్టుకుంటున్నారు. మరికొన్ని గ్రామాల్లో ప్రైవేటు బోర్లను ఆశ్రయిస్తున్నారు. కొందరు ట్యాంకర్ల ద్వారా నీటిని తోలుకుంటున్నారు. పెద్దమండ్యం పంచాయతీ గెల్చంవారిపల్లెలో సమస్య అధికంగా ఉంది. రెడ్డివారిపల్లెలో సమస్య ఎక్కువగా ఉండడంతో ట్యాంకర్లుతో నీటిని తోలుకుంటున్నారు. చెరువుకిందపల్లెలో నీటి సమస్య తీర్చడానికి పంప్‌హౌస్‌ దగ్గర బోరు వేసి మోటరు అమర్చారు కానీ పైప్‌లైన్‌ వేయడానికి గాడితీసి వదిలేశారు. పాపేపల్లిలో తాగునీటి సమస్య ఎక్కువగా ఉందని అధికారులు స్పందించి సమస్యను పరిష్కరించాలని కోరుతున్నారు. కొన్ని గ్రామాల్లో తాగునీటి బోర్ల నుంచి నీటిని పంట పొలాలకు వాడుకుంటున్నారనే విమర్శలున్నాయి. అధికారులు స్పందించి తాగునీటి సమస్య తీర్చాలని ప్రజలు కోరుతున్నారు.