Proddatur: వైకాపా ఫ్లెక్సీకి పోలీసుల పహారా!

వైకాపా ఫ్లెక్సీకి పహారా కాస్తున్న పోలీసులు

ప్రొద్దుటూరు, న్యూస్‌టుడే: ప్రొద్దుటూరులో తెదేపా ఫ్లెక్సీని తొలగించిన స్థానంలో ఏర్పాటుచేసిన వైకాపా ఫ్లెక్సీకి పోలీసులు పహారా కాశారు. ఫ్లెక్సీల తొలగింపు, ఏర్పాటుపై ఉద్రిక్త వాతావరణం ఏర్పడడం తెలిసిందే. తెదేపా ఫ్లెక్సీని తొలగించిన స్థానంలో వైకాపా ఫ్లెక్సీ ఏర్పాటు కాకుండా చూసే బాధ్యత తమదని పోలీసులు, పురపాలక అధికారులు సర్దిచెప్పగా ఇరు పార్టీల కార్యకర్తలు వెళ్లిపోయారు. ఆ తర్వాత వైకాపా ఫ్లెక్సీ ఏర్పాటుకాగా శనివారం 8వ వార్డులోకి ఎమ్మెల్యే ఎన్నికల ప్రచారానికి వచ్చే వరకు పోలీసులు ఫ్లెక్సీకి కాపలా కాయడం గమనార్హం. ఇదంతా పోలీసులు, పురపాలక అధికారుల డ్రామా అని తెదేపా నాయకులు విమర్శించారు.