యువకుడిపై దాడి... దుకాణం ధ్వంసం

మదనపల్లె నేరవార్తలు, న్యూస్‌టుడే : ఓ యువకుడిపై కొంతమంది దాడి చేసి అతను పనిచేస్తున్న దుకాణాన్ని ధ్వంసం చేసిన ఘటన పట్టణంలో శుక్రవారం జరిగింది. పట్టణంలోని అప్పారావుతోటకు చెందిన ఇక్‌లాక్‌ (21) డిగ్రీ చదువుతూ పట్టణంలోని పీరు సిగ్నేచర్స్‌ డిజిటల్‌ బ్యానర్‌ దుకాణంలో పనిచేస్తున్నాడు. ఉదయం తన స్నేహితుడు వసీమ్‌ను అదే ప్రాంతానికి చెందిన ఫరీద్‌ కొడుతుండగా ఇక్‌లాక్‌ అడ్డుకునికొట్టాడు. దీంతో ఆగ్రహించిన ఫరీద్‌ తన అనుచరులతో వచ్చి ఫ్యారానగర్‌లోని డిజిటల్‌ బ్యానర్స్‌ తయారీ దుకాణంలో పనిచేస్తున్న ఇక్‌లాక్‌పై దాడి చేశాడు. అంతటితో ఆగకుండా షాపులోని వస్తువులన్నీ ధ్వంసం చేశారు. దాడిలో తీవ్రంగా గాయపడిన ఇక్‌లాక్‌ను స్థానికులు ప్రభుత్వాసుపత్రికి తరలించారు. రెండో పట్టణ పోలీసులు కేసు విచారణ చేస్తున్నారు.