కొండను తొలిచేస్తూ... మట్టిని తరలిస్తూ!

న్యూస్‌టుడే, సంబేపల్లె: జిల్లాలో మట్టి మాఫియా పేట్రేగిపోతోంది. అధికార పార్టీ నేతలు రాత్రి వేళల్లో కొండలను తవ్వి మట్టిని టిప్పర్లతో తరలిస్తూ సొమ్ము చేసుకుంటున్నారు. ఒక్కొక్క టిప్పరుకు రూ.5 వేల చొప్పున స్థిరాస్తి వ్యాపారుల నుంచి వసూలు చేస్తున్నారు. రోజుకు 40 నుంచి 50 టిప్పర్లలో తరలిస్తున్నా అధికారులు పట్టించుకోవడంలేదని రైతులు, స్థానికులు ఆందోళన వ్యక్తం చేస్తున్నారు. మట్టి అక్రమ రవాణాపై పలుమార్లు ఫిర్యాదులు చేసినా స్పందించడంలేదని వాపోతున్నారు. సంబేపల్లె సమీపంలోని కొండను జేసీబీలతో తవ్వేసిన ప్రాంతాన్ని చిత్రంలో చూడొచ్చు.