Crime News: నీట్‌లో మంచి ర్యాంకు రాలేదని యువతి ఆత్మహత్య

వెల్దండ: నాగర్‌ కర్నూల్‌ జిల్లా వెల్దండ మండలం నారాయణపూర్‌ తండాలో విషాదం చోటు చేసుకుంది. నీట్‌లో మంచి ర్యాంకు రాలేదని యువతి ఉరేసుకొని ఆత్మహత్యకు పాల్పడింది. గ్రామస్థులు తెలిపిన వివరాల ప్రకారం.. నారాయణపూర్‌ గ్రామపంచాయతీ పరిధిలోని తండాకు చెందిన ఇస్లావత్‌ శ్రావణి (19) ఇంట్లో ఎవరూ లేని సమయంలో ఉరేసుకొని ఆత్మహత్య చేసుకుంది. శనివారం విడుదలైన నీట్‌ ఫలితాల్లో మంచి ర్యాంకు రాకపోవడంతో మనస్తాపానికి గురైంది. కుటుంబ సభ్యులు పొలానికి వెళ్లిన సమయంలో బలన్మరణానికి పాల్పడింది. శ్రావణికి రెండో ప్రయత్నంలోనూ నీట్‌లో మంచి ర్యాంకు రాకపోవడంతో ఆత్మహత్య చేసుకుందని స్థానికులు తెలిపారు.