చేపల పెంపకంతో ఏటా రూ.60 లక్షల రాబడి

c పదో తరగతి వరకే చదివిన ఆయన కర్నాల్‌ నేషనల్‌ డెయిరీ రీసెర్చ్‌ ఇన్‌స్టిట్యూట్‌లో చేపల పెంపకంపై శిక్షణ పొందారు. 2000లో తన స్వగ్రామంలో రెండు ఎకరాల పంచాయతీ చెరువు లీజుకు తీసుకొని చేపల పెంపకానికి శ్రీకారం చుట్టారు. 2005లో తన పొలంలోని ఏడెకరాల్లో చేపల హేచరీని ప్రారంభించారు. అలాగే మరో 8 ఎకరాల్లోనూ పలు రకాల చేపలు, రొయ్యల పెంపకాన్ని విస్తరించారు. 2015లో జరిగిన రోడ్డు ప్రమాదంలో కాలికి తీవ్రగాయమై కర్ర సాయంతో నడుస్తున్నా సుశీల్‌ తన కృషిని ఆపలేదు. ప్రస్తుతం హేచరీ, చేపల విక్రయం ద్వారా ఏటా రూ.60 లక్షల ఆదాయాన్ని గడిస్తున్నారు. చేపల చెరువుల గట్లపై పెంచుతున్న మామిడి, జామ, బ్లాక్‌ బెర్రీ, సపోటా వంటి పండ్లచెట్లతో అదనపు ఆదాయం వస్తోంది. పాతికేళ్లుగా దేశ, విదేశాల రైతులు సుశీల్‌ కుమార్‌ చేపల పెంపకాన్ని పలుమార్లు పరిశీలించారు.