Best Food: ఉత్తమ ఆహారం లభించే దేశాల్లో… 12వ స్థానంలో భారత్‌

నగరాల జాబితాలో హైదరాబాద్‌కు చోటు

చెన్నై, న్యూస్‌టుడే: ప్రపంచవ్యాప్తంగా ఉత్తమ ఆహారం లభించే 100 దేశాల జాబితాలో భారత్‌కు 12వ స్థానం లభించింది. క్రొయేషియా ప్రధాన కేంద్రంగా కార్యకలాపాలు సాగించే ప్రఖ్యాత ప్రైవేట్‌ ట్రావెల్‌ గైడ్‌ సంస్థ ‘టేస్ట్‌ అట్లాస్‌’ ఈ జాబితాను ఇటీవల తన ఇన్‌స్టా పేజీలో విడుదల చేసింది. గ్రీస్‌ మొదటి స్థానంలో నిలిచింది. భారత్‌ 12వ స్థానంలో, 13వ స్థానంలో అమెరికా ఉన్నాయి. ఉత్తమ ఆహారం లభించే నగరాల జాబితాలో ఐదో స్థానంలో ముంబయి ఉంది. వడాపావ్, పావ్‌బాజీ వంటి ముంబయి వంటకాలకు అధిక రేటింగ్‌లు వచ్చాయని టేస్ట్‌ అట్లాస్‌ చెబుతోంది. దిల్లీ 45వ స్థానం, హైదరాబాద్‌ 50వ స్థానంలో ఉన్నాయి. హైదరాబాద్‌ బిర్యానీకి అధిక రేటింగ్స్‌ వచ్చాయి. చెన్నై 75వ స్థానంలో ఉంది. ఇక్కడి దోస, ఇడ్లీ, చెట్టినాడు కూర లాంటి రకాలకు అధిక రేటింగ్స్‌ లభించాయి.