Myanmar Earthquake: భూవిలయం తర్వాత మయన్మార్‌ పరిస్థితి ఇదీ.. ఇస్రో శాటిలైట్‌ చిత్రాలు

ఇంటర్నెట్‌ డెస్క్‌: మయన్మార్‌లో ఇటీవల నిమిషాల వ్యవధిలో సంభవించిన రెండు భారీ భూకంపాలు (Earthquake) ఆ దేశాన్ని కుదిపేశాయి. పెను విషాదాన్ని మిగిల్చాయి. ప్రకంపనల ధాటికి వందల సంఖ్యలో భవనాలు నేలమట్టమవ్వగా.. శిథిలాల కింద చిక్కుకుని వేలాది మంది ప్రాణాలు కోల్పోయారు. ఆ భయానక దృశ్యాలను (ISRO Satellite Images) భారత అంతరిక్ష పరిశోధన సంస్థ ఇస్రో శాటిలైట్‌ చిత్రాల్లో బంధించింది. (Strong Earthquake in Myanmar)

భూవిలయానికి ముందు, తర్వాత మయన్మార్‌లో నెలకొన్న పరిస్థితులకు సంబంధించిన దృశ్యాలను ఇస్రో (ISRO)కు చెందిన ఎర్త్‌ ఇమేజింగ్‌ శాటిలైట్‌ కార్టోశాట్‌-3 ఫొటోలు తీసింది. భూ ఉపరితలానికి 500 కిలోమీటర్ల ఎత్తు నుంచి తీసిన ఈ చిత్రాల్లో భూకంపం కారణంగా ఎంతటి నష్టం వాటిల్లిందో స్పష్టమవుతోంది. ఇరావడీ నదిపై ఉన్న వంతెన కూలిపోవడం, మాండలే యూనివర్సిటీ నేలమట్టమైన దృశ్యాలను ఇస్రో ఫొటోలు తీసింది.