Tejashwi Yadav: సభలో మాట్లాడుతుండగా తేజస్వీ వైపు దూసుకొచ్చిన డ్రోన్‌!

పట్నా: ఆర్జేడీ నేత, బిహార్‌ మాజీ డిప్యూటీ సీఎం తేజస్వీ యాదవ్‌(Tejashwi Yadav) ఓ సభలో మాట్లాడుతుండగా ఆయన వైపు ఓ డ్రోన్‌ దూసుకురావడం కలకలం రేపింది. పట్నాలోని చారిత్రక గాంధీ మైదాన్‌లో ‘సేవ్‌ వక్ఫ్‌, సేవ్‌ కాన్‌స్టిట్యూషన్‌’ పేరిట ఏర్పాటు చేసిన ర్యాలీలో ఆయన ప్రసంగిస్తున్న సమయంలో ఈ ఘటన చోటుచేసుకుంది. ర్యాలీని కవర్‌ చేసేందుకు ఏర్పాటు చేసిన డ్రోన్‌.. తేజస్వీ యాదవ్‌ ప్రసంగం మధ్యలో ఆయన వైపు తిరిగింది. దీంతో అప్రమత్తమైన తేజస్వీ తన ప్రసంగాన్ని ఆపేసి వెనక్కి జరిగారు. ఆ తర్వాత వెంటనే తన ప్రసంగాన్ని కొనసాగించారు. భద్రతా సిబ్బంది ఈ డ్రోన్‌ను సీజ్‌ చేశారు. 

• ఇలాంటి ‘పగటి దోపిడీ’ని సహించం.. ఆటోల్లో అధిక ఛార్జీల వసూళ్లపై కర్ణాటక మంత్రి ఫైర్‌

ఈ ఘటనపై పట్నా సెంట్రల్‌ ఎస్పీ దీక్ష స్పందించారు. ‘‘ఈ ఘటనను పరిశీలిస్తున్నాం. అది నిషేధిత ప్రాంతం.డ్రోన్లు...తదితర వస్తువులను ఎగరవేయకూడదు. ర్యాలీ జరుగుతున్న సమయంలో పోలీసు బృందం జనసమూహాన్ని నియంత్రించడంలో బిజీగా ఉంది. కానీ, ఈ విషయంపై కచ్చితంగా దర్యాప్తు చేస్తాం’’ అన్నారు.