AlluArjun: అల్లు వారింట దీపావళి వేడుకలు.. మెగా ఫ్యామిలీ సందడి

హైదరాబాద్‌: ఐకాన్‌స్టార్‌ అల్లు అర్జున్‌ (Allu Arjun) నివాసంలో దీపావళి వేడుకలు ఘనంగా జరిగాయి. ఈ వెలుగుల పండగ అందరి జీవితాల్లో సుఖ సంతోషాలు నింపాలని కోరుకుంటూ బన్నీ సతీమణి స్నేహారెడ్డి బంధుమిత్రుల కోసం ప్రత్యేకంగా పార్టీ ఏర్పాటు చేశారు. ఆదివారం సాయంత్రం హైదరాబాద్‌లో జరిగిన ఈ వేడుకల్లో మెగా కుటుంబసభ్యులు పాల్గొని సందడి చేశారు. బన్నీ దంపతులు, చిరంజీవి కుమార్తెలు సుస్మిత, శ్రీజ, సాయిధరమ్‌ తేజ్‌, వైష్ణవ్‌ తేజ్‌, నిహారిక స్టైలిష్‌ దుస్తుల్లో మెరిసిపోయారు. ఈ పార్టీకి సంబంధించిన ఓ ఫొటోని నిహారిక ఇన్‌స్టా వేదికగా షేర్‌ చేస్తూ.. ‘‘ఫ్యామిలీ’’ క్యాప్షన్‌ను జత చేసింది. మరోవైపు, గ్రాండ్‌ పార్టీ ఇచ్చిన స్నేహారెడ్డికి కృతజ్ఞతలు చెబుతూ పలువురు సోషల్‌మీడియాలో పోస్టులు పెడుతున్నారు. ప్రస్తుతం ఈ ఫొటోలు నెట్టింట తెగ చక్కర్లు కొడుతున్నాయి. ఇక హాస్యనటుడు వైవా హర్ష నివాసంలో జరిగిన దీపావళి వేడుకల్లో ఫరియా, స్వాతి, ప్రియాంక జుకల్కర్‌, సాయిధరమ్‌ తేజ్‌, వైష్ణవ్‌ తేజ్‌, సందీప్‌ కిషన్‌, శ్రీకాంత్‌, మధుశాలినీ సందడి చేశారు.

దీపావళి వేడుకల్లో డ్యాన్స్ చేస్తోన్న నిహారిక, సాయిధరమ్‌ తేజ్‌

స్నేహారెడ్డితో నటి, ప్రముఖ డ్యాన్సర్‌ సంధ్యారాజు

హర్ష ఇచ్చిన పార్టీలో పాల్గొన్న దర్శకుడు చందు మొండేటి, సాయిధరమ్‌ తేజ్‌, శ్రీకాంత్‌

కలర్‌ఫొటో దర్శకుడు సందీప్‌ రాజ్‌

నటీమణులు స్వాతి, మధు శాలినీ

వైవా హర్షతో స్వాతి