డే టైమ్‌లో డెవిల్‌ నువ్వా!

‘బ్యాడ్‌బాయ్‌ కార్తీక్‌’గా ప్రేక్షకుల్ని పలకరించనున్నారు నాగశౌర్య. ఆయన టైటిల్‌ పాత్రలో నటిస్తున్న ఈ చిత్రాన్ని రామ్‌ దేశిన తెరకెక్కిస్తున్నారు. శ్రీనివాసరావు చింతలపూడి నిర్మిస్తున్నారు. విధి కథానాయిక. ప్రస్తుతం ముగింపు దశలో ఉన్న ఈ సినిమా త్వరలో థియేటర్లలోకి రానుంది. ఈ నేపథ్యంలో సోమవారం ఈ చిత్ర గీతాన్ని విడుదల చేశారు. ‘‘అందమైన ఫిగరు నువ్వా.. డే టైమ్‌లో డెవిల్‌ నువ్వా’’ అంటూ సాగిన ఈ రొమాంటిక్‌ పాటకు హారిస్‌ జైరాజ్‌ స్వరాలు సమకూర్చగా.. కృష్ణకాంత్‌ సాహిత్యమందించారు. శ్రీధర్‌ సేన, ప్రియా జెర్సన్‌ ఆలపించారు. ఈ పాటలో శౌర్య, విధిల కెమిస్ట్రీ ఆకర్షణగా నిలిచింది. ఈ యాక్షన్‌ ఎంటర్‌టైనర్‌లో సముద్రఖని, నరేశ్‌ వీకే, సాయికుమార్, వెన్నెల కిశోర్‌ తదితరులు కీలక పాత్రలు పోషిస్తున్నారు. కూర్పు: కోటగిరి వెంకటేశ్వరరావు, ఛాయాగ్రహణం: రసూల్‌ ఎల్లోర్‌.