జాకీ చాన్‌ను కలిసిన హృతిక్‌

తెరపై తమ నటనతో ఎంతో మంది అభిమానుల్ని సొంతం చేసుకునే మన సినీతారలూ ఆరాధించే నటులు ఉంటారు. ఇప్పుడీ నేపథ్యంలోనే బాలీవుడ్‌ హీరో హృతిక్‌ రోషన్‌.. తను అభిమానించే నటుడు, యాక్షన్‌ చిత్రాలకు కేరాఫ్‌ అడ్రస్‌గా నిలిచే హాలీవుడ్‌ కథానాయకుడు జాకీ చాన్‌ను సోమవారం అమెరికాలో కలిశారు. తాజాగా ‘మిమ్మల్ని కలవడం ఆనందంగా ఉంది జాకీ చాన్‌’ అనే వ్యాఖ్యతో వీటికి సంబంధించిన ఫొటోలను సామాజిక మాధ్యమాల వేదికగా పంచుకున్నారు హృతిక్‌. దీంతో త్వరలో రాబోతున్న ‘క్రిష్‌ 4’లో జాకీ భాగమవుతున్నారంటూ సినీప్రియుల్లో ఊహాగానాలు మొదలయ్యాయి. మరి అందులో నిజమెంత ఉందో తెలియాలంటే అధికారిక ప్రకటన వచ్చే వరకూ వేచి చూడాల్సిందే.